04 июн 17:30
Янгиликлар

Спорт курашлари

Жасмина Иммаева рейтинг турнири финалида гиламга чиқди

Қозоғистоннинг Олма-Ота шаҳрида эркин, юнон-рум ва аёллар кураши бўйича рейтинг турнири давом этмоқда.

Ҳозиргина аёллар ўртасидаги 50 кг вазн тоифасида финал беллашуви ўз якунига етди. Унда юртимиз шарафини ҳимоя қилган Жасмина Иммаева мўғулистонлик Намуунтсегтсег Тсогт Очирга қарши гиламга чиқди.

Афсуски, тажриба бу баҳсда ўз сўзини айтди. Очир муддатидан аввал катта устунлик билан ғалаба қозониб, рейтинг турнири чемпионига айланди. Истеъдодли курашчимиз Жасмина Иммаева эса нуфузли мусобақа кумуш медалини қўлга киритди.