10 авг 17:38
Янгиликлар

Спорт курашлари, Қиличбозлик, Токио-2020

"Натураллаштирилган" спортчилардан воз кечиш вақти келди

Блогер Отабек Бакиров Телеграмдаги каналида ўзбек спортидаги легионерлар ҳақида фикр билдирди.

"Шу пайтгача Ўзбекистоннинг Ёзги олимпиадалардаги иштироки "натураллаштирилган" хорижликларсиз ўтмаган ва улар 1996 йилдан 2016 йилгача бўлган олимпиадаларда Ўзбекистон учун турли даражадаги медалларни келтиришган.

Бу сафарги Токио олимпиадасида Ўзбекистон номидан қатнашган биронта хорижлик спортчи совриндор бўла олмади.

Медаль олган бешта спортчининг барчаси Ўзбекистонда туғилган, вояга етган, шу ерда профессионал спортчи ўлароқ шаклланган.

Агар Токиога борган спортчилар рўйхатига қарасангиз, эркин курашда россиялик Магомед Ибрагимов ва Жабраил Шапиевлар, юнон-рум курашида россиялик Рустам Ассакалов, велоспортда россиялик Ольга Забелинская, бешкурашда россиялик Алиса Фахрутдиновалар мамлакатимиз номидан иштирок этганини кўриш мумкин. Бу рўйхат янада узунроқ ҳам бўлиши мумкин эди. Масалан, 2019 йилда Мексикадан Ўзбекистонга махсус келтирилган қиличбоз Паоло Плиего Токиога бора олмаган.

Кўриниб турибдики, Олимпиада ўйинлари учун четдан хорижлик спортчи келтириб сохта обрў ва шараф яратиш даври ўтди.

Ўзбекистон ўзининг шарафини бундан буён мамлакатда туғилиб ўсган ва тарбияланган спортчилар билан ярата олади. Қолаверса солиқ тўловчиларнинг пулини турли "легионерларга" сарфлаш қип-қизил сохтакорлик ҳам", - дейилади постда.

Ҳавола :

Манба : t.me/the_bakiroo

Рейтинг: +6

Фикрлар

Энг яхшилар Охирги Биринчи

10 авг 21:38:37

Mironsho Jabborov

Siyosatga uncha tushunmaymanu lekin shuncha jon kuydirib aytilganiga qaraganda nimadir rost shu yerda

фикрга жавоб бериш

10 авг 21:25:51

Farrux Mustafoyev

Haqiqat shu! Ayrim sport federatsiyasi tomonidan xuddi shunga o'xshash ishlar qilinib natija kutilayapti boshqa hech narsa qilinmayapti pulni tayyor o'z davlatida o'rin ololmagan sportchilarga emas, o'zimizdan bo'ladimi yoki chet ellik mutabbiy va o'zimizning yoshlarimizga aytmasdan tikish kerak.Sayt xodimlaridan har bir sport turi bo'yicha erishilgan natijalar va oldingi olimpiadaga nisbatan o'sish qanday tahliliy maqola kutamiz, eng katta sport musobaqasi yakunlansa tahlil qilinmasa.Misol uchun og'ir atletikachilarimizdan keyingi olimpiyadada bokschilarimiz bilan barobar natija kutamiz, chunki katta o'sish bor chunchaki sportchilarimizda ozgina tajriba yetishmadi.Murabbiylarga, federatsiyaga rahmat keyingi safar shu ruhda davom etilsa 2- 3ta oltin kutish mumkin. Lekin ayrim sport turlarida umuman o'zgarish yo'q, kim tanqid qiladi davlat mablag'lari qayerga ketayapti? Kutamiz!

фикрга жавоб бериш

10 авг 18:29:38

Rejabboy

To'ppa to'g'ri ko'zbo'yamachilikni yig'ishtiringlar

фикрга жавоб бериш

< сўнгги янгиликларни кўриш

10 авг 17:38 Янгиликлар

"Натураллаштирилган" спортчилардан воз кечиш вақти келди

10 авг 17:38
Янгиликлар