15 апр 08:56
Янгиликлар

Бокс/ММА

Нурсултон Рўзибоев UFC'даги кейинги жанги қачон бўлишига ишора берди + ФОТО

Ўрта вазн тоифасида ўзбекистонлик UFC жангчиси Нурсултон Рўзибоев Instagram саҳифасига янги сторис жойлади.

Унда Рўзибоев кейинги жангини 1 июнь куни UFC 302 турнирида ёки 22 июнь кунги UFC Fight Night оқшоми доирасида ўтказишига ишора қилган. Шунингдек, Нурсултон кейинги жангини ярим ўрта вазн тоифасида ўтказишини ҳам маълум қилган.

Маълумот учун, UFC 302 турнири 1 июнь куни АҚШнинг Нью-Жерси штатида ташкил этилади. Унинг марказий жанги Ислам Махачев ва Дастин Порье ўртасида кечади.

Асосий жанги Хамзат Чимаев ва Роберт Уиттакер ўртасида бўладиган UFC Fight Night турнири эса 22 июнь куни Саудия Арабистонининг Ар-Риёд шаҳрида ўтказилади.