Олмалиқда кадетлар ўртасида Ўзбекистон чемпионати бошланмоқда

Мусобақа иштирокчилари бирин-кетин мусобақа ўтказиладиган жойга етиб келишмоқда. Режага кўра, бугун чемпионатда қатнашадиган спортчилар тарозидан ўтишади. 16 ва 17 май кунлари асосий баҳслар ташкил этилади. 

Мусобақа 18 та вазн тоифасида (йигитлар ўртасида 9 та, қизлар ўртасида 9 та) ташкил этилмоқда. Баҳсларда умумий ҳисобда 570 нафардан ортиқ спортчи қатнашади. 

Ушбу мусобақалар орқали терма жамоамиз мураббийлари Осиё чемпионати ва жаҳон чемпионатида қатнашадиган таркибимизни аниқлаб олишни мақсад қилишган. 

Қайд этиш лозимки, мусобақа давомида Ўзбекистон самбо ассоциациясининг йиғилиши ҳам ташкил этилади. Унда ташкилий масалалар, мусобақага оид ва антидопинг билан боғлиқ масалалар муҳокама қилинади. 

Ўзбекистон самбо ассоциацияси матбуот хизмати