13 дек 11:55
Янгиликлар

Дзюдо

Ўсмирларимиз Қирғизистондаги турнирдан 5 та медаль билан қайтишди

11-12 декабрь кунлари Қирғизистоннинг Токмак шаҳрида 2005-2006 йилларда туғилган ўсмирлар ўртасида халқаро турнир бўлиб ўтди.

Қирғизистон Республикасида хизмат кўрсатган мураббийи Асанкул Қидиралиев соврини учун ўтказилган мусобақада мезбонлардан ташқари Ўзбекистон ва Қозоғистондан келган ёш дзюдочилар медаллар учун татамига чиқишди.

Ҳамюртларимиздан Бунёд Сафаров (-60 кг) ва Жасур Шакарбоев (-66 кг) олтин, Суҳроб Ортиқов (+73 кг) кумуш, Фазлиддин Пўлатов (-60 кг) ҳамда Сангак Тожибоев (-73 кг) бронза медалини қўлга киритди.