24 may 09:51
Yangiliklar
Bokschilarimiz Rufat Risqievni ziyorat qilib, unga AIBA rahbari G'ofur Rahimov maktubini topshirishdi+FOTO
Kecha, 23 may chorshanba kuni amalga oshirilgan uchrashuvda Rufat Risqiev xonadonida dildan suhbat bo'ldi. Sobiq chempion terma jamoa azolariga o'z maslahatlarini berdi.
SHuningdek, boks bo'yicha milliy terma jamoa azolari afsonaviy o'zbek sportchisiga AIBA vaqtinchalik prezidenti G'ofur Rahimovning maktubini etkazishdi.
«Siz boks bo'yicha Jahon chempioniga aylangan birinchi o'zbek sportchisisiz. Aynan siz tufayli O'zbekistonda buyuk chempionlar avlodi etishib chiqdi. AIBA ijroiya qo'mitasi azolari va men sizga va sizning oilangizga siz uchun og'ir bo'lgan hozirgi damlarda barcha tomonlama qo'llab-quvvatlov taqdim etishga tayyormiz», — deyiladi maktubda.
Eslatib o'tamiz, 2016 yilning sentyabr oyi oxirlarida Toshkent shahridagi 16-shifoxonada shifokorlar venalar trombozining og'irlashishi sababli Rufat Risqiev o'ng oyog'ining tizzadan pastini kesib tashlash uchun jarrohlik amaliyotini o'tkazgandi.
Malumot uchun, 68 yoshli Rufat Risqiev – 1974 yilgi Jahon chempioni va 1976 yilgi Olimpiya o'yinlarining kumush medali sovrindori. AQSH, Kuba, Avstriya, Sobiq Yugoslaviya, Ispaniyada o'tkazilgan xalqaro turnirlar g'olibi.
Markaziy Osiyodagi ilk xalqaro toifadagi professional boks hakami. «Hurmat Belgisi», «Buyuk xizmatlari uchun», «El-yurt hurmati» ordenlari kavaleri. Yaqin o'tmishda – O'zbekiston professional boks federaciyasining vice-prezidenti, ayni paytda – nafaqada.
Fikrlar