Engil atletika federaciyasining oshxonasida ayanchli holat + FOTO

SHu kunlarda MOQ raisi Rustam SHoabdurahmonov O'zbekiston engil atletika federaciyasida bo'ldi.

MOQ rahbari kutilmaganda o'z yo'nalishini stadion tomon emas, bazadagi oshxona tarafga o'zgartirib yubordi. Taassufki, u erdagi muhit har qanday insonning medasiga tegar edi. Tartibsizlik oshxonadagi eng arzimas detal bo'lib, ichkarida bir-biridan xunuk holatlarni uchratish mumkin. 

Gaz plitasining ustidagi havo haydash tizimiga yopishib ketgan yog' dog'laridan oshxonaning necha yillik “tarix”ga ega ekaniga guvoh bo'lasiz. Muzlatgichda saqlanayotgan go'sht va istemolga yaroqsiz pomidorlarning turishi boshqa mahsulotlarning ham sifatiga salbiy tasir o'tkazishi tabiiy. Buning natijasida Olimpiya o'yinlaridek nufuzli musobaqaga tayyorlanayotgan atletlarimizda oshqozon-ichak kasalliklari paydo bo'lishi hech gap emas.

Oshxonada engil atletika bo'yicha asosiy terma jamoamizdan tashqari mazkur sport turi bo'yicha respublika Oliy sport mahorati maktabi xodimlari va murabbiylari ham tamaddi qilishadi. 

Ayanchli holatdan keyin MOQ raisi zudlik bilan federaciya mutasaddilariga vaziyatni qisqa fursat ichida yaxshilash, bazaga Sanitar-epidemiologik markazdan maxsus guruhni chaqirib, holat yuzasidan chuqur tahliliy o'rganishlarni tashkil qilish bo'yicha ko'rsatma berdi.

SHundan so'ng vaziyat yuzasidan MOQ anjumanlar zalida tezkor yig'ilish o'tkazildi. Unda Rustam SHoabdurahmonov va uning o'rinbosari SHerzod Tashmatov, Abdushukur Sadikov boshchiligida RSTIAM mutasaddilari ishtirok etishdi. 

MOQ rahbariyati federaciyalardagi bunday holatdan uzil-kesil qoniqmasligi aytib, vaziyatga keskin tanqidiy munosabat bildirdi. Bazalardagi sanitar-epidemiologik holatni nazoratga olish, qisqa fursat ichida barcha kamchiliklarni bartaraf etish bo'yicha tegishli mutasaddilarga topshiriqlar berdi.