Karatechilarimiz Marokashdagi "Premier League"da oltin va kumush medali sohibiga aylanishdi

Bungacha mazkur turnirda ishtirok etayotgan ikki nafar sportchimiz hal qiluvchi final janglariga yo'l olganliklari haqida xabar qilgandik. Bugun Sadriddin Saymatov va Dostonbek Otabolaevlar final janglarini o'tkazdilar.

-60kg vazn toifasida bahs olib borgan Sadriddin Saymatov hal qiluvchi jangda turkiyalik Aykut Kayaga qarshi kurash olib bordi va g'alaba qozonib, oltin medal sohibiga aylandi.

-75kg vazn toifasida yurtimiz sharafini himoya qilgan Dostonbek Otabolaev esa hal qiluvchi bellashuvda ozarbayjonlik Rafael Agaevga qarshi bahs yuritdi va imkoniyatni boy berib qo'ydi. 

SHu tariqa vakillarimiz Marokashdan oltin va kumush medal bilan qaytadigan bo'ldilar.