Masvidal Jons - Miochich jangiga munosabat bildirdi

"Bu to'qnashuv og'ir vazn UFC tarixidagi eng yaxshi janglardan biri bo'lishi mumkin. Stipening arsenalida Jonga muammo tug'diradigan narsalar bor. Masalan, Miochich gabariti kattaroq jangchi va u qanday kurashishni biladi. Stipe Korme va og'ir vazn toifasidagi boshqa jangchilar bilan yaxshi kurashgan. Albatta, Jons bu jangchilardan farq qiladi.

Jang qanday kechishi meni juda qiziqtiradi. Ayniqsa, Stipe Jonni stoykada jang qilishga majbur eta olsa. Miochichning qo'lda yo'llaydigan zarbalari juda yaxshi, Jons esa boksda unchalik yaxshi emas. Ammo tirsaklar, tizza va oyoq zarbalari bilan Jon har qanday jangchini nokaut qila oladi. O'ylaymanki, bu yilning eng yaxshi jangi bo'ladi", - dedi Masvidal.