13 sen 08:32
Yangiliklar
Sport kurashlari
Mo'minjon Abdullaev jahon chempionatining bronza medali uchun gilamga chiqadi
Xabar berganimizdek, shu kunlarda Serbiya poytaxti Belgrad shahri sport kurashlari bo'yicha jahon chempionatiga mezbonlik qilyapti.
Bugun yunon-rum kurashchilarimizdan Mo'minjon Abdullaev jahon chempionatining bronza medali uchun gilamga chiqadi. 130 kg vaznda kurashayotgan uch karra Osiyo o'yinlari g'olibining bronza medali uchun bellashuvdagi raqibi o'tish bosqichidagi bahsdan so'ng aniqlanadi. Ukrainalik Oleksandr CHerneckiy yoki ruminiyalik Alin CHiurarui Mo'minjon Abdullaevga raqiblik qiladi.
Eslatib o'tamiz, 55 kg vaznda kurashgan Jasurbek Ortiqboev bronza medalini qo'lga kiritgan bo'lsa, 82 kg vaznda yurtimiz sharafini himoya qilgan Jalgasbay Berdimuratov jahon chempionatining kumush medaliga sazovor bo'ldi. Qolgan terma jamoamiz azolari mag'lubiyat alamini totib ko'rishgan.
Havola :
Manba : olamsport.com
Fikrlar