MOQ raisi tog'da yig'in o'tkazayotgan jamoaning tayyorgarligidan xabar oldi

MOQ hamda O'zbekiston qilichbozlik federaciyasi raisi Rustam SHoabdurahmonov federaciyaga tashrif buyurib, Yangiobodda yig'in o'tkazayotgan jamoalarimiz bilan onlayn bog'landi va yaqin rejalarni muhokama qildi.

Onlayn uchrashuv davomida yig'in o'tayotgan joydan terma jamoamiz murabbiyi, 3 karra Olimpiya o'yinlari g'olibi Vladimir Nazlimov suhbatga qo'shildi.

«Davlatimiz yuqori natijaga erishishimiz uchun barcha sharoitlarni yaratib bermoqda. Biroq Parij-2024 tayyorgarligi avvalgilaridan butkul farq qiladi. Avval takidlanganidek, jamoamizga biror bir xalqaro musobaqaga ketishidan oldin malum vazifa beriladi. Yoshlarimiz Jahon kubogi bosqichlarida nimalarga qodir ekanliklarini ko'rsatishdi. Endi shu tempda ularni Parij-2024 Olimpiya o'yinlari sari tayyorlashda davom etamiz», – dedi MOQ rahbari.

Rustam SHoabdurahmonov murabbiylarimiz bilan reja bo'yicha olib borilayotgan ishlar haqida gaplashar ekan, sportchilarning jismoniy holatini kuchaytirish bo'yicha topshiriq berdi. 

SHuningdek, hozirda butun dunyoda keng tarqalayotgan koronavirusning yangi shtammidan sportchilarimiz saqlash maqsadida sport bazalarida nazoratni kuchaytirish haqida qatiy takidladi.