Navoiy viloyati hokimi bilan Prezident topshiriqlarining ijrosi bo'yicha rejalar muhokama qilindi

 O'zbekiston Milliy Olimpiya qo'mitasi Bosh kotibi Oybek Kasimov va Qo'mita raisi o'rinbosari, O'zbekiston boks federaciyasi raisining birinchi o'rinbosari Saken Polatov boshchiligidagi ishchi guruh Buxorodan so'ng Navoiy viloyatiga tashrif buyurdi.

Safar Navoiy viloyati hokimi Normat Tursunov bilan uchrashuvdan boshlandi. Uchrashuvda viloyat sportidagi kamchiliklar, muammolar haqida so'z bordi. Tomonlar Respublikamizning eng yirik viloyatida sportni rivojlantirish yo'lidagi reja va takliflar bilan o'rtoqlashdilar.

SHuningdek, Prezidentimiz tomonidan alohida takidlangan selekciya ishlari va sport talimini yanada kuchaytirish uchun viloyatda infratuzilma etarli ekanligi qayd etildi.

Tashrif davomida mutasaddilar Navoiy viloyatidagi bir qator sport obektlarida bo'lishdi. BO'SM va IBO'SM, Olimpiya zaxiralari sport kollejiga qarashli sport zallaridagi sharoitlar bilan tanishishdi, murabbiy va sportchilar bilan suhbatlashishdi.

"Manaviyat va marifat markazi"da o'tkazilgan uchrashuvda Navoiydagi ilg'or sport muassasalari, shuningdek, viloyatdagi sport federaciyalari masullari ishtirok etishdi. Uchrashuv davomida iqtidorli atletlarni tayyorlash bo'yicha rejalashtirilayotgan mutlaqo yangi mexanizmning ishlash tizimi mutasaddilar tomonidan taqdimot ko'rinishida tushuntirib berildi.

 Ochiq muloqot tarzida o'tgan yig'ilishda viloyat sportiga befarq bo'lmagan murabbiy va mutaxassislar o'zlarini qiynayotgan muammolar, takliflar bilan murojaat qilish imkoniyatiga ega bo'lishdi.