Otabek Imomov - O'zbekiston kamondan otish federaciyasining yangi raisi

Unda O'zbekiston Milliy olimpiya qo'mitasi mutasaddilari, kamondan otish federaciyasi xodimlari, viloyatning federaciya bo'limi vakillari, sportchi va murabbiylar, shuningdek, ommaviy axborot vositasi xodimlari ishtirok etishdi.
Yig'ilishni O'zbekiston Milliy olimpiya qo'mitasi Prezidenti maslahatchisi Komiljon Xudoyberganov olib bordi. Konferenciya davomida bungacha erishilgan yutuqlar, qo'lga kiritilgan muvaffaqiyatlar uchun federaciyaning avvalgi raisi Jamoliddin Boboxonovning xizmatlari alohida qayd etildi va   minnatdorchilik ramzi sifatida unga zarbop cho'pon kiydirildi.  

SHundan so'ng Otabek Sobitjonovich Imomov nomzodi O'zbekiston kamondan otish federaciyasi raisi lavozimiga taklif qilindi. Konferenciya ishtirokchilari bir ovozdan ushbu nomodni qo'llab-quvvatladilar. SHu tariqa O.Imomov O'zbekiston kamondan otish federaciyasining raisi lavozimiga saylandi.

Sir emaski, kamondan otish bo'yicha O'zbekiston jahonda etakchi mamlakatlar qatorida etirof etilmaydi. Ammo, yangi rahbariyat kelajakda sportning ushbu turini rivojlantirish, ommalashtirishni maqsad qilgan.

“Asosiy maqsadimiz davlatimiz rahbari tomonidan sport yo'nalishi bo'yicha qo'yilgan vazifalarni bajarishdir. Kelajakda yangidan-yangi marralarni zabt etamiz. Nasib qilsa  Tokio 2020 Olimpiya o'yinlariga nafakat licenziya qo'lga kiritamiz, balki medallar uchun ham harakat qilamiz”, - dedi federaciyaning yangi raisi Otabek Imomov.
Milliy olimpiya qo'mitasi yangi rahbariyatga bu yo'lda muvaffaqiyatlar tilaydi.