Paralimpiya sport turlarini yanada rivojlantirish muhokama qilindi

SHubhasiz, bunday g'alabalar ortida Prezidentimiz tomonidan xalqimizning har bir qatlami, shu jumladan, imkoniyati cheklangan hamyurtlarimiz uchun ham ulkan imkoniyatlar yaratib berilayotganini ko'rishimiz mumkin. Bugun MOQ raisi Rustam SHoabdurahmonov va uning o'rinbosari SHerzod Tashmatov, MOQ raisi devoni rahbari Mirag'zam Mirahmedov, Milliy Paralimpiya associaciyasi raisining o'rinbosari SHarifjon Momindjanov va Associaciya sport ishlari bo'yicha bo'lim boshlig'i Bilol Ag'zamov ishtirok etgan yig'ilishda mazkur yo'nalishning istiqbolli rejalari ko'rib chiqildi.

Uchrashuvni MOQ raisi olib bordi va Paralimpiya sportini yanada rivojlantirish borasida o'z fikrlarini bildirdi.

“Muhtaram yurtboshimiz xalqimiz orasida sog'lom turmush tarzini yanada rivojlantirishga alohida etibor qaratmoqdalar. Xususan, mazkur tashabbusni xalqimizning imkoniyati cheklangan vakillari qatlamida ham targ'ib qilishimiz kerak. Paralimpiyachilarimizga yaratib berilayotgan imkoniyatlar natijasida ular jahon arenalarida qanday muvaffaqiyatlarga erishib kelayotganlariga barchamiz guvohmiz. Ishonchim komilki, butun Respublikamizda bunday istedodga ega para-atletlar topiladi”, – dedi Rustam SHoabdurahmonov.

Uchrashuv davomida Paralimpiya sport turlari geografiyasini kengaytirish, Associaciya qoshida yangi yo'nalishlarni ham ochish va ularga malakali kadrlarni jalb qilish, Parij-2024 Paralimpiya o'yinlariga 10 dan ortiq yo'nalishlarda licenziyalar qo'lga kiritish kabi masalalar muhokama qilindi. SHuningdek, hamyurtlarimiz orasidan sportga qiziquvchi imkoniyati cheklangan vakillarni ham selekciya orqali terma jamoaga jalb qilish, buning uchun yangi va zamonaviy sport inshootlari, para-atletlar uchun maxsus «workout» maydonlarini barpo etish bo'yicha tavsiyalar bildirildi.