Penchak-silat: “Yunusobod” sport majmuasida O'zbekiston chempionati bo'lib o'tmoqda

Musobaqada respublikamizning barcha hududlaridan 1 000 nafarga yaqin ishtirokchi g'oliblik uchun bahs olib borishmoqda. O'zbekiston chempionatida 9 yoshdan 45 yoshgacha bo'lgan sportchilar o'z mahoratlarini namoyish etishadi.

Ushbu musobaqa turli yosh toifalari bo'yicha terma jamoalarimizsha munosib nomzodlarni saralab olish maqsadida o'tkazilmoqda. Milliy terma jamoamizni esa oldinda joriy yil iyun oyida Malayziyada bo'ladigan Jahon chempionatiga kutib turibdi.

SHuni takidlash kerak, mamlakat chempionatida terma jamoalarimiz safida eng nufuzli musobaqalarda qatnashgan nomdor sportchilarning aksariyati ishtirok etishyapti. Bu esa musobaqa nufuzi yuqori ekanidan darak beradi.