Qo'l jangi. Qurolli kuchlar xodimlarining ochiq chempionati o'tkaziladi

Unda mamlakatimiz Qurolli kuchlari tizimidagi sakkiz jamoa, yani Mudofaa, Ichki ishlar vazirliklari, Davlat xavfsizlik xizmati, Davlat bojxona qo'mitasi, Favqulodda vaziyatlar vazirligi, Milliy gvardiya, Milliy gvardiya tasarrufidagi “Dinamo” jismoniy tarbiya va sport jamiyati xodimlari g'oliblik uchun bahs olib borishadi.

Poytaxtimizdagi “O'zbekiston” sport-sog'lomlashtirish majmuasi mezbonlik qiladigan musobaqa 7ta (-65 kg., -70 kg., - 75 kg., - 80 kg., - 85 kg., - 90 kg., hamda 90 kg.dan yuqori) vazn toifasida tashkil etiladi.

Ushbu musobaqani o'tkazishdan maqsad, mamlakatimiz Qurolli kuchlari tizimida faoliyat olib borayotgan ishchi-xodimlarning jismoniy tayyorgarligini ko'zdan kechirish.

Takidlash kerak, 5 yanvar kuni soat 16.00da boshlanadigan final janglari milliy estradamiz yulduzlari ishtirokidagi koncert dasturi bilan hamohanglikda tomoshabinlarga bir olam quvonch ulashishiga shubha yo'q.