Qo'shko'pirliklar yuksak marralarni ko'zlashyapti FOTO

Sport maskanida 15 ta - boks, badiiy gimnastika, badminton, basketbol, voleybol, dzyudo, qo'l to'pi, engil atletika, suzish, stol tennis, taekvondo WTF, kurash, futbol, erkin kurash hamda shaxmat turlari bo'yicha guruhlar ishlab turibdi. 

To'garaklarda jami 1700 nafarga yaqin yoshlar sport bilan muntazam tarzda shug'ullanib kelishmoqda, ulardan 604 nafarini  qizlar tashkil qiladi. O'z navbatida ularga 46 nafar tajribali va malakali murabbiylar ustozlik qilishayotir. 

Etiborlisi, sport maktabiga tuman markazidan ancha uzoqda joylashgan qishloqlarda yashovchi aholi, xususan, yoshlar ham qamrab olingan. Bu borada  21 ta umumiy o'rta talim maktabi va 5 ta kasb-hunar kollejlari bilan hamkorlik aloqalari o'rnatilib, ushbu talim muassasalarining sport inshootlaridan samarali foydalanib kelinmoqda.   

SHu o'rinda takidlab o'tish joizki, joriy yilning boshida Vazirlar Mahkamasining tegishli qarori asosida Jismoniy tarbiya va sportni rivojlantirish jamg'armasi mablag'lari hisobidan BO'SM qoshida usti yopiq suv sporti saroyi barpo etildi. Endilikda, 150 nafarga yaqin qo'shko'pirlik yoshlar 11x25 metr o'lchamdagi suzish havzasida mashg'ulotlarni maromiga etkazishmoqda.

Mahorat maskanida mashg'ulotlar bilan cheklanib qolmay, belgilangan reja asosida iqtidorli sportchilarini aniqlash, selekciya ishlarini tizimli amalga oshirish maqsadida tez-tez musobaqalar o'tkazib turiladi. Binobarin, joriy yilning birinchi yarim yilligida BO'SM birinchiliklaridan tashqari, tuman doirasida qirqdan ziyod sport tadbirlari uyushtirilib, unda 2000 nafarga yaqin sportchining qatnashishi taminlandi. 

SHundan 600 nafardan oshig'i qizlardir. Buning barobarida, sport maktabida voleybol, basketbol, qo'l to'pi, dzyudo, boks bo'yicha viloyat ochiq birinchiliklari o'tkazildi. Albatta, bu etiborga molik sanaladi.

Qolaversa, o'tgan davr ichida sport maktabi tarbiyalanuvchilaridan 10 nafari xalqaro miqyosdagi, 49 nafari respublika birinchiligi va chempionatlarida qatnashdi. Tabiiyki, qo'shko'pirlik sportchilarning ishtiroki chakki bo'lmadi. Qozog'iston davlatining Nur-Sulton shahrida boks bo'yicha uyushtirilgan “Prezident kubogi”ning -75 kilogramm vazn toifasida Rajabboy Atanazarov bronza medalini qo'lga kiritdi. 

Erkin kurash bo'yicha O'zbekiston kubogida Nilufar SHaripova birinchi o'rinni  egalladi. SHukurjon Aminova (dzyudo), Doniyor Rahmonov (taekvondo WTF), Zafar Bekpo'latov (boks), Tursunoy G'ayratova (erkin kurash) singari ko'plab qo'shko'pirlik sportchilar respublika miqyosidagi musobaqalarda g'olib va sovrindorlar safidan joy oldilar. 

SHuningdek, sport maktabida gandbol va voleybol bo'yicha viloyat terma jamoalari safida faoliyat yuritayotgan o'g'il-qizlar ham talaygina.

Mubolag'a emas, erishilayotgan muvaffaqiyatlarning barchasi BO'SMda mashg'ulotlar jarayoni zamonaviy standartlar asosida olib borilayotgani, tegishli tashkilotlar bilan hamkorlik aloqalari yaxshi yo'lga qo'yilganligining mahsulidir.

Ikrom XUDOYBERGANOV tayyorladi, Xorazmdan maxsus