Triatlon bo'yicha O'zbekiston Kubogi o'tkazildi

Samarqanddagi sportning eshkak eshish turlari bo'yicha ixtisoslashtirilgan olimpiya zaxiralari Respublika bolalar va o'smirlar sport maktabida tashkil etilgan bellashuvlarda Respublikamizning barcha hududlaridan jami 120 nafarga yaqin sportchilar o'z omadini sinab ko'rishdi.

Mazkur musobaqalarni o'tkazishdan ko'zlangan asosiy maqsad, yoshlarni sportning texnik va amaliy turlariga keng jalb qilish, “Vatanparvar” tashkilotidagi sport to'garaklarini rivojlantirish hamda sportchilarning mahoratini oshirish, triatlon bo'yicha eng kuchli sportchilarni aniqlash orqali O'zbekiston terma jamoasi tarkibini shakllantirishdan iborat.

Musobaqada O'zbekiston Triatlon federaciyasi raisining birinchi o'rinbosari F.Nasirov, O'zbekiston mudofaasiga ko'maklashuvchi “Vatanparvar” tashkiloti Markaziy kengashi raisining o'rinbosari T.Yakubov va musobaqa bosh hakami V.Rastryginlar so'zga chiqib, ishtirokchilarga omad va zafarlar tilab, musobaqani ochiq deb elon qilishdi.

Bahslar uchta yosh toifasi bo'yicha tashkil etildi.

1997 yilda tug'ilgan o'g'il va qiz sportchilar:

Suzish – 1500 metr,

Velopoyga – 40 000 metr,

Yugurish – 10 000 metr.

1998-2000 yilda tug'ilgan o'g'il va qiz sportchilar:

Suzish – 1500 metr,

Velopoyga – 40 000 metr,

Yugurish – 10 000 metr.

2001-2003 yilda tug'ilgan o'g'il va qiz sportchilar:

Suzish – 1500 metr,

Velopoyga – 40 000 metr,

Yugurish – 10 000 metr.

Musobaqaning yakuniy natijalariga ko'ra, umumjamoa hisobida 1-o'rinni Toshkent shahar, 2-o'rinni Navoiy viloyati, 3-o'rinni Qashqadaryo viloyati terma jamoasi egallashdi. G'oliblarga tashkilotchilarning diplom hamda esdalik sovg'alari topshirildi.