WBA reytingi. SHahram SHohjahondan oldinga o'tib oldi

Unga ko'ra, reytingdan olti nafar o'zbekistonlik bokschi o'rin olgan.

Elon qilingan reytingda Murodjon Ahmadaliev ikkinchi engil vazn toifasida (-55,3 kg) chempion sifatida qayd etilgan. Ahmadaliev shuningdek IBF yo'nalishi chempioni ham hisoblanadi. 

Birinchi yarim o'rta vazn toifasida (-63,5 kg) ikki bokschimiz o'rin almashgan. SHahram G'iyosov ettinchi o'rindan oltinchi o'ringa ko'tarilgan. SHohjahon esa mos ravishda oltinchi o'rindan ettinchi pog'onaga tushgan. 

Birinchi o'rta vazn (-69,85 kg) toifasida Isroil Madrimov esa ikkinchi o'rinda turibdi. 

Ikkinchi o'rta vazn toifasidagi bokschimiz Bektemir Meliqo'ziev (-76,2 kg) esa 15-o'rindan 14-o'ringa ko'tarilgan. 

Yarimog'ir vazn toifasida (-79,3 kg) Rustam To'laganov ham TOP-15dagi o'rnini saqlab qolgan - 15-o'rin.