28 mar 13:03
Yangiliklar

Tennis

Yannik Sinner Mayami "Masters" 1/2 finalida

Avstraliya Ochiq chempionatining amaldagi g'olibi Yannik Sinner Mayami "Masters" turnirining yarim finla ishtirokchisiga aylandi.

Dunyoning uchinchi raketkasi bo'lib turgan italiyalik istedod egasi 1/4 finalda ATP reytingida 60-pog'onadan joy olgan chexiyalik Tomash Maxachni ortiqcha qiyinchiliksiz mag'lubiyatga uchratdi - 6:4, 6:2.

Bir soatu 33 daqiqa davom etgan bahsda Sinner 3, Maxach 2 ta eys zarbasini amalga oshirgan. Qo'shxatolar Tomashda ko'proq bo'ldi - 3 ga 2. Yannik 4 ta, Maxach 1 ta breyk-poyntdan foydalangan. Endi Yannik final chiptasi uchun musobaqaning amaldagi chempioni, rossiyalik Daniil Medvedevga qarshi kortga chiqadi.