Рио-2016 ўйинларида мукофот ажратиш бўйича Ўзбекистон нечанчи ўринда?

Маълумотларга қараганда, спортчилари учун энг кўп мукофотни Сингапур ҳукумати ваъда қилган. Ушбу мамлакат вакиллари агар Рио-2016 олтин медалларини қўлга киритадиган бўлсалар 745 минг доллар мукофот пули оладилар.

Иккинчи ўринда эса Хитой Тайпейи 628 минг доллар билан эгаллаб турибди.

Озарбайжонлик спортчилар эса Олимпиада чемпионлиги учун 510 минг доллар ишлаб оладилар.

Топ-10 рейтинги қуйидагича кўриниш олган:

Сингапур - 745 000
Хитой Тайпейи - 628 000
Озарбайжон - 510 000
Индонезия - 328 000
Таиланд - 314 000
Қозоғистон - 250 000
Малайзия - 249 000
Филиппин - 237 000
Ўзбекистон - 200 000
Италия - 168 000

Таъкидлаб ўтиш лозимки, Олимпиадада энг кўп медаллар киритиши кутилаётган АҚШ спортчилари олтин медал учун 25 минг доллар мукофот пули оладилар. Германия терма жамоаси спортчилари эса чемпионлик учун 19,5 минг доллар қўлга киритадилар.