05 авг 06:30
Янгиликлар

Теннис, Токио-2020

Истоминнинг Олимпиададаги илк рақиби дунёнинг 12-ракеткаси бўлади

Рио-2016 Олимпиадасининг теннис мусобақасига ҳам қуръа ташланди.

Тўрт йилликнинг яккалик баҳсларида иштирок этадиган ягона теннисчимиз Денис Истомин ҳам қуръа натижасидан сўнг илк босқичдаги рақибини билиб олди.

Унга кўра, мамлакатимизнинг биринчи рақамли теннисчиси биринчи даврада испаниялик Давид Феррерга қарши кортга чиқади. Феррер дунё рейтингида 12-ўринни банд этган. Олимпиадада эса 7-рақам остида таснифланган. Истомин эса дунё рейтингида 106-поғонадан жой олган.

Агар Денис Истомин испаниялик теннисчининг тўсиғидан муваффақиятли ўтиб олса, иккинчи даврада россиялик Евгений Донской ҳамда германиялик Ян-Леннард Штруфф учрашуви ғолиби билан тўқнаш келади.

Ҳавола :

Манба : olamsport.com

Рейтинг: