18 карра Олимпиада чемпиони бешинчи бор Олимпиадада қатнашади

Даставвал 31 ёшли спортчи “Рио-2016” ўйинларига 100 ва 200 м. масофаларга эркин ҳамда баттаерфляй усулида, шунингдек, 200 метрга комплекс усулда сузиш бўйича саралаш баҳсларида иштирок этишни режалаштирган эди. Бироқ, кейинчалик 100 ва 200 метр масофага эркин усулда сузиш бўйича саралаш мусобақасида иштирок этмасликка қарор қилди.

Эслатиб ўтамиз, Олимпиада тарихида энг совриндор спортчи ҳисобланган (18 та олтин, 2 та кумуш, 2 та бронза) Майкл Фелпс “Лондон-2012” Олимпия ўйинларидан сўнг фаолиятини тугатлигини эълон қилиб, 2014 йилнинг апрель ойида яна катта спортга қайтганлигини маълум қилган эди. 2008 йилги Пекин (Хитой) Олимпиадасида саккиз бор олтин медалга сазовор бўлган Майкл Фелпс бу борада юртдоши Марк Спицдан ўзиб кетишга муваффақ бўлганди.