15 май 16:44
Янгиликлар

Теннис

18 ёшли дунёнинг бешинчи ракеткаси Римдаги иштирокини якунлади

Теглар : Кори Гофф

Дунёнинг бешинчи ракеткаси бўлиб турган америкалик Кори Гофф Римдаги WTA 1000 турнирининг 1/8 финалига чиқа олмади.

Гофф WTA рейтингининг 38-поғонасида бораётган чехиялик Мари Бузковага 6/4, 2/6, 2/6 ҳисобларида ютқазиб қўйди. Теннисчиларнинг ўзаро иккинчи учрашувида ҳам Мари рақибасидан устун келди.

Икки соату 4 дақиқа давом этган баҳсда Гофф 6 та эйс, 2 та қўшхато ва 3 та брейк қайд этди. Битта ҳам эйсни амалга ошира олмаган Бузкова 6 та брейк эвазига кейинги босқич масаласини ҳал қилди. Энди у чорак финал чиптаси учун россиялик Вероника Кудерметовага қарши кортга чиқади.