Афсонавий Марадона 30 йил ўтиб, ноқонуний туғилган фарзандини тан олди

Кичик Диего Марадона 1986 йилда отасининг “Наполи”да ўтган юлдузли онларида дунёга келган. У айни пайтда соҳил футболи бўйича Италия терма жамоасининг аъзоси хисобланади.

Унинг онаси неаполлик Кристиана Синагра 1987 йилда матбуотга интервью бериб, фарзанди Диего Армандо Марадонадан туғилганини маълум қилган. Ўша пайтда Диего Армандо буни тан олмаган ва хатто ДНК-тестидан ўтишдан ҳам бош тортганди.

Марадона Синагра билан фақат бир маротаба 2003 йилда Италиядаги гольф майдонларининг бирида учрашган. Марадонанинг қонуний рафиқаси Клаудио Вильяфаньидан Дальма ва Жианинна исмли икки қиз фарзанди бор.

Ниҳоят, куни кеча Марадона ўз ўғли билан Буэнос-Айресдаги уйида учрашди. Марадона ўғлини қучоқлаб, “Сен менинг ўғлимсан!” деди. Бу сўзларни кичик Марадона роса 30 йил кутганди.