06 сен 07:50
Янгиликлар
![](/upload/storage/3786_220.jpg)
Шахмат Олимпиадаси. Эркаклар жамоамизда иккинчи мағлубият
42-Бутунжаҳон шахмат Олимпиадасида Ўзбекистон аёллар ва эркаклар терма жамоалари ҳам иштирок этяпти. 17-жаҳон чемпиони Рустам Қосимжонов бошчилигидаги Ўзбекистон эркаклар терма жамоаси Бутунжаҳон шахмат Олимпиадасининг тўртинчи турида яна мағлубият аламини тотиб кўрди.
Бу сафар шахматчиларимиз Аргентина терма жамоасига 1,5:2,5 ҳисобида имкониятни бой беришди. Биринчи доскада ҳаракат қилган Рустам Қосимжонов рақиби Фернандо Перальтани мағлуб этди. Антон Филиппов Сандро Мареко билан дуранг ўйнади. Марат Жумаев ва Нодирбек Ёқуббоевлар эса рақибларига ютқазиб қўйишди.
Ушбу мағлубиятдан сўнг терма жамоамиз қўшимча кўрсаткичларга кўра 64-ўринга тушиб кетди. Бугун терма жамоамиз шахматчилари Суринам вакилларига қарши баҳс олиб боришади.
Фикрлар