06 сен 09:35
Янгиликлар
Теннис
![](/upload/storage/3792_220.jpg)
Султонов US Open турниридаги иштирокини ғалаба билан бошлади
Истеъдодли теннисчимиз Ҳумоюн Султонов АҚШнинг Нью-Йорк шаҳрида старт олган йилнинг тўртта нуфузли турниридан бири бўлган US Open турнирининг ўсмирлар ўртасидаги баҳсларини ғалаба билан бошлади.
Қуръа натижасига кўра ҳамюртимиз асосий тўрнинг илк даврасида Йонас Эрикссон Зивертсга қарши кортга чиқди. Швециялик бу теннисчи асосий тўрга саралаш баҳслари орқали етиб келганди.
Икки сет давом этган учрашувда ҳамюртимиз рақибини 6:3, 6:2 ҳисобида мағлуб этди. Энди Султонов иккинчи даврада турнирнинг учинчи рақамда сараланган теннисчиси, америкалик Уилсис Бланчга қарши кортга чиқади. Бланч биринчи босқичда бразилиялик Орландо Лузни 6:4, 6:4 ҳисобида енгди.
Маълумот учун, ўтган ҳафта Ҳумоюн Султонов Канаданинг Квебек шаҳрида ўтказилган ўсмирлар ўртасидаги Canadian Open Junior Championships турнирининг учинчи даврасига қадар етиб борган эди.
Ҳавола :
Манба : olamsport.com
Фикрлар