08 сен 11:05
Янгиликлар
![](/upload/storage/3859_220.jpg)
ФИФА Жака, Шакири ва Бехрамига Косово учун ўйнашга рухсат бермади
Куни кеча Косово терма жамоаси ЖЧ-2018 саралаш босқичи доирасида тарихий натижага эришди. ФИФАнинг янги аъзоси бўлган ушбу митти мамлакат терма жамоаси ЖЧ-2018 саралашининг илк турини сафарда Финляндияга қарши ўтказиб, 1:1 ҳисобида дуранг ўйнади.
Ушбу учрашув Косово учун илк расмий ўйин эди. Ўйин бошланишига бир неча соат қолган бир пайтда ФИФА бунгача бошқа мамлакат терма жамоаларида ўйнаган 6 нафар футболчига Косово шарафини ҳимоя қилишга рухсат берди. Улар орасида аввал Норвегия терма жамоаси сафида тўп тепаган Валон Бериши ҳам бор.
Лекин ФИФА айнан Косово ҳудудида туғилган Валон Бехрами, Гранит Жака ва Жердан Шакириларга ўз она мамлакатлари либосини кийишга рухсат бермади. Бу уч футболчи Швейцария терма жамоаси сафида Евро-2016 баҳсларида иштирок этганди. ФИФА 13 май кунидан кейин бошқа терма жамоаларда ўйнаган футболчиларга Косово сафида майдонга тушишга рухсат бермади. Айнан 13 май куни Косово ФИФАга қабул қилинганди.
Фикрлар