09 сен 08:09
Янгиликлар
Дзюдо, Токио-2020
![](/upload/storage/3901_220.jpg)
Паралимпия ўйинлари. Дзюдочиларимиздан яна битта олтин медал!
Бразилиянинг Рио-де-Жанейро шаҳри мезбонлик қилаётган Паралимпия ўйинлари ўзбекистонлик спортчилар учун муваффақиятли давом этмоқда.
Тўрт йилликнинг нуфузли мусобақасида Ўзбекистон Паралимпия терма жамоасининг 32 нафар спортчиси 5та спорт турида юртимиз шарафини ҳимоя қиляпти.
Қувонарлиси, дзюдо мусобақасининг илк куниёқ полвонларимиз учун ўта омадли келди. Аввалига эркаклар ўртасидаги 60 кг вазн тоифасида татамига чиққан ҳамюртимиз Шерзод Намозов барча рақибларини мағлубиятга учратиб, терма жамоамизга дастлабки олтин медални тақдим этганди.
Шундан сўнг, -66 кг вазн тоифасидаги дзюдочимиз Ўткиржон Ниғматов ҳам Паралимпия ўйинлари чемпионига айланди. У ҳал қилувчи финал беллашувида озарбайжонлик Байрам Мустафаевни мағлубиятга учратиб, шохсупанинг энг юқори поғонасига кўтарилди.
Ниғматов финалга қадар пуэртариколик Луиз Диас Перес, украиналик Давид Хоравани таслим этган эди. Бу вазнда бронза медаллар Хорава ҳамда япониялик Сатоши Фужимотога насиб этди.
Ҳавола :
Манба : olamsport.com
Фикрлар