09 сен 08:20
Янгиликлар
Токио-2020
Паралимпия ўйинлари. Сузувчиларимиздан 2тадан кумуш ва бронза!
Бразилиянинг Рио-де-Жанейро шаҳри мезбонлик қилаётган Паралимпия ўйинлари ўзбекистонлик спортчилар учун муваффақиятли давом этмоқда.
Тўрт йилликнинг нуфузли мусобақасида Ўзбекистон Паралимпия терма жамоасининг 32 нафар спортчиси 5та спорт турида юртимиз шарафини ҳимоя қиляпти. Паралимпиячиларимизнинг парвози давом этмоқда.
Сузиш бўйича терма жамоамиз аъзолари мусобақанинг илк куниёқ паралимпиячиларимиз ғазнасига 4та медални тақдим этишди. Кирил Панков 100 метр масофага баттерфляй усулида ўтказилган баҳсларда кумуш медални қўлга киритди. Музаффар Турсунхўжаев эса бронза медали билан тақдирланди.
Худди шу масофага аёллар ўртасида ўтказилган мусобақада вакиламиз Муслима Одилова ҳам Паралимпия ўйинлари вице-чемпионига айланди. Бронза медали эса яна бир спортчимиз Фотимахон Амиловага насиб этди.
Ҳавола :
Манба : olamsport.com
Фикрлар