02 окт 12:05
Янгиликлар
![](/upload/storage/4546_220.jpg)
Осиё ўйинлари. Терма жамоамиз 14-ўринга пастлади
Ўз тарихида бешинчи бор ўтказилаётган қитъа ўйинларида Ўзбекистон спорт делегацияси ўз иштирокини якунлади. Сўнгги кун олдидан терма жамоамиз ҳисобида 3та олтин, битта кумуш ва битта бронза медали бор. Бу натижаси эвазига терма жамоамиз умумжамоа ҳисобида 9-поғонадан 14-ўринга пастлади.
Осиё ўйинларида терма жамоамизга олтин медалларни самбо баҳсларида Икромжон Йўлдошев, кураш мусбақасида Миржон Тўхтаев ва Суҳроб Худойбердиевлар келтиришди.
Яна бир курашчимиз Муҳаммадали Шамсиддинов эса кумуш медал билан тақдирланди. Аёллар ўртасидаги самбо баҳсларида иштирок этган Маликабону Мирзаева эса бронза медалига сазовор бўлди.
44та олтин, 38та кумуш, 42та бронза, жами 124та медал жамғарган Вьетнам терма жамоаси ҳамон катта фарқ билан биринчи ўринни эгаллаб турибди. Иккинчи ўриндан жой олган Таиланд терма жамоаси ҳисобида 35та олтин, 24та кумуш, 29та бронза медали бор. Кучли учликка 12та олтин, 16та кумуш, 19та бронза медалини жамғарган Хитой терма жамоаси якун ясаган.
Кучли ўнталикдан Эрон, Иордания, БАА, Мўғулистон, Камбоджа, Малайзия ва Индонезия терма жамоалари ўрин олишган. Жами 26та мамлакат терма жамоалари ҳисобида камида биттадан олтин медал бор. Ўттиз бешта терма жамоа эса камида битта бронза медалини қўлга киритган.
Фикрлар