13 окт 08:05
Янгиликлар
Бокс/ММА
Наманганда ўсмир боксчилар сараланмоқда
Наманган шаҳридаги “Паҳлавон” спорт мажмуасида бокс бўйича ўсмирлар ўртасидаги Ўзбекистон чемпионати давом этмоқда.
Ушбу мамлакат биринчилигида Қорақалпоғистон Республикаси, барча вилоятлар ҳамда Тошкент шаҳридан жами 352 нафар истеъдодли боксчилар 17та вазн тоифасида ўз маҳоратларини намойиш этишяпти.
Ўзбекистон чемпионати баҳслари 2002-2003 йилларда таваллуд топган ўсмир боксчилар ўртасида ташкил этилган. Республика олимпия захиралари коллежи боксчилари алоҳида жамоа сифатида медаллар учун рингга кўтарилишяпти.
Ўзбекистон чемпионати ғолиб ва совриндорлари 17 октябрь куни маълум бўлади. Ғолиб боксчилар мамлакат ўсмирлар терма жамоасига таклиф этилади ва келаси йили ўтказиладиган Осиё ҳамда жаҳон чемпионатларида иштирок этиш ҳуқуқига эга бўлишади.
Ҳавола :
Манба : olamsport.com
Фикрлар