26 ноя 11:35
Янгиликлар
Бокс/ММА
Билолбек жаҳон чемпионлиги учун жанг қилади, қолганларда бронза
Россиянинг Санкт-Петербург шаҳри мезбонлик қилаётган бокс бўйича ёшлар ўртасидаги жаҳон чемпионатида финалчилар номи маълум бўлди.
Кеча жаҳон чемпионатида ярим финал жанглари ўтказилди. Улар орасида 4 нафар чарм қўлқоп устамиз ҳам финал чиптаси йўлида рингга кўтарилишди.
Афсуски, улардан фақатгина бир нафари ғалаба қозониб, финалга чиқди. 60 кг вазнда қатнашаётган Билолбек Мирзараҳимов туркиялик Нежат Экинчини 5:0 ҳисобида мағлубиятга учратди. Унинг финалдаги рақиби АҚШ боксчиси Делант Жонсон бўлади.
52 кг вазн тоифасида рингга кўтарилган Отабек Холматов ярим финалда япониялик Хаято Цуцумига 2:3 ҳисобида имкониятни бой берди.
56 кг вазндаги чарм қўлқоп устамиз Шунқор Абдурасулов америкалик Марк Кастрога 0:4 ҳисобида ютқазди.
91 кг вазн тоифасида рингга чиққан Шоҳруз Раҳимов эса россиялик рақиби Владимир Ужунянга 0:5 ҳисобида ютқазиб қўйди.
Ҳавола :
Манба : olamsport.com
Фикрлар