ФОТО. Жаҳон кубогининг жамоавий спарринг баҳсларида биринчи бўлдик

Дунёнинг 22та давлатидан жами 1300 нафар спортчи қатнашган йилнинг сўнгги нуфузли мусобақасида Ўзбекистон ёшлар ва катталар терма жамоаси ҳам тўлиқ таркибда (47 нафар) иштирок этди.

Ҳамюртларимиз мусобақанинг сўнгги куни жамоавий спарринг баҳсларида барча рақибларини енгиб, умумжамоа ҳисобида биринчи ўринни қўлга киритишди.

Ўз вазн тоифаларида Жасурбек Салимов (45 кг), Малика Чориева (63 кг), Камронбек Тохиров (40 кг), Рухшона Саидова (29 кг), Заргуна Ахрорқулова (35 кг), Маҳфуза Жумабоева (40 кг) олтин медал билан тақдирланишди. 

Тил баҳсларида Заргуна Ахрорқулова ва Александр Четвертиков ҳам шохсупанинг энг юқори поғонасига кўтарилишди. Сабина Маҳманазарова эса тил баҳсларида кумуш медалга сазовор бўлди.

Терма жамоамиз аъзоларидан Денис Ким, Евгений Ким, Гулижон Баҳромова (46 кг), Нафиса Усмонова (23 кг) ва Ойгул Болат (52 кг) бронза медали билан Тошкентга қайтишади.