Ёш юнон-рум курашчиларимиз Туладан 4та олтин, 2та бронза билан қайтишди

Бу ҳақда Ўзбекистон спорт курашлари ассоциацияси матбуот хизмати хабар бермоқда. 1972 йилги Олимпиада чемпиони Шамил Хисамутдинов соврини учун ўтказилган мазкур турнирда йигирмага яқин давлатдан ёш курашчилар гиламга чиқишди.

Мусобақа икки ёш тоифасида - 2000-2001 ҳамда 2002-2003 йилларда таваллуд топган ёш полвонлар ўртасида ташкил этилди.

Ҳамюртларимиздан ўз вазн тоифаларида Лазиз Тошкентбоев (42 кг), Асилбек Неъматов (50 кг), Элдор  Каримов (46 кг), Жавоҳирбек Саматов (58 кг) олтин медални қўлга киритди.

Азизбек Алимов (50 кг) ва Акмал Акромов (54 кг)га халқаро турнирнинг бронза медали насиб этди.

Ушбу халқаро турнир спортчиларимиз учун келаси йили Таиландда ўтказиладиган Осиё чемпионати, сентябрь ойида Грецияда бўлиб ўтадиган жаҳон чемпионатига саралаш ҳамда синов вазифасини ўтаб берди.