14 дек 12:20
Янгиликлар
Теннис
Исмоилов Таиланддаги турнирда иккинчи даврага чиқди
Таиланднинг Бангкок шаҳрида теннис бўйича “Фьючерс” туркумига кирувчи турнирнинг асосий тўр баҳслари бўлиб ўтмоқда.
Соврин жамғармаси 10 000 АҚШ долларидан иборат бўлган мазкур турнирда ҳамюртимиз Темур Исмоилов ҳам ўз имкониятини синовдан ўтказяпти.
Ўзбекистон терма жамоаси аъзоси мусобақанинг иккинчи ракеткаси сифатида ҳаракат қилмоқда. Исмоилов илк даврада ҳиндистонлик Санжив Шанмугамга қарши кортга чиқди ва 6:2, 6:3 ҳисобида зафар қучди.
Маълумот учун, Бангкок турнирининг саралаш баҳсларида иштирок этган қолган теннисчиларимиз - Шониғмат Шофайзиев, Павел Цой ва Шаробиддин Абзалов мағлубиятга учраб, асосий тўрга чиқа олишмаганди.
Ҳавола :
Манба : olamsport.com
Фикрлар