Ҳасанбой Дўсматов Швейцарияга мукофотини қабул қилиш учун жўнаб кетди

Қувонарлиси, ушбу мукофотни қўлга киритиш учун даъвогарлар орасида бизнинг Ҳасанбой Дўсматов ҳам бор эди. 49 кг вазн тоифасида Рио Олимпиадаси чемпиони бўлган ҳамюртимиз ушбу мукофотга лойиқ деб топилди.  

Таъқибчиларини катта фарқ билан ортда қолдирган Ҳасанбой Дўсматов ўзи учун аталган совринни қабул қилиб олиш учун бугун Швейцарияга жўнаб кетди.

Тақдирлаш маросими 20 декабрь куни Швейцариянинг Лозанна шаҳрида бўлиб ўтади. Унга тадбир мобайнида Ўзбекистон бокс федерацияси вице-президенти Шерзод Тошматов ҳамроҳлик қилади.

Тошматов куни кеча Осиё бокс конфедерацияси Ижроия қўмитаси йиғилишида конфедерация вице-президенти лавозимига сайланган эди.

Сўровномада иккинчи ўринни қозоғистонлик Олимпиада чемпиони Данияр Елиусинов эгаллади. Кубалик чемпион Робейси Рамирес эса учинчи поғонадан жой олди.