Дунёда илк маротаба миллиард долларлик жанг бўлиши мумкин

"Невадада боксчилик лицензиясини оламан, кейин эса биз Мейвезер билан келишиб оламиз. Жанг бўлиши ҳақиқатга яқин. Бу жанг шунчаки кўриб чиқилмаяпти. Ушбу баҳс анчадан бери ишлаб чиқилмоқда. Кейинги жангим саккиз унцияли қўлқоплар билан канат орасидан чиқиш билан бошланишига ишонаман.

Агар Мейвезер ва Пакьяо ярим миллард ишлаб топган бўлса, бизники миллиард келтиради. Бу миллиард долларли биринчи жанг бўлади. Баъзида бу ишни бекорчиликдан қилаётганимни айтишади, аммо менга фарқи йўқ, чунки бу тарихий воқеа. Хабиб, Тони, Жозе ёки Вудли билан UFC чемпионлиги учун учинчи жанг - мен кутган нарса эмас. Баъзида сабр қилиш керак, ҳозир эса айни шундай вақт" - дейди МакГрегор.