China Dragons - Uzbek Tigers. Таркибимиз эълон қилинди

Бу ҳақда Ўзбекистон бокс федерацияси матбуот хизмати хабар берди. Чарм қўлқоп усталаримиз 3-4 февраль кунлари Санья шаҳрида Хитойнинг “China Dragons” жамоаси боксчиларига қарши рингга чиқишади.

Айнан мана шу учрашув билан “Ўзбек йўлбарслари” жамоаси The World Series Boxing (WSB) мусобақасининг ҳисоб бўйича еттинчи мавсумидаги иштирокини бошлайди.

“Uzbek Tigers” жамоаси ўтган йили ушбу мусобақада дебют қилган ва ярим финалга қадар етиб борганди. Боксчиларимиз финал остонасида бўлажак чемпионлар - кубалик боксчиларга имкониятни бой беришган эди.

3 февраль куни боксчилар тарозидан ўтишади. 4 февралда эса белгиланган барча жанглар ўтказилади.

Терма жамоамиз таркиби:

49 кг: Мироншоҳ Ибрагимов

56 кг: Абдулҳай Шорахматов

64 кг: Елнур Абдураимов

75 кг: Улуғбек Ҳақбердиев

91 кг: Бобурбек Йўлдошев

Терма жамоамизнинг мураббийлар штабидан Тўлқин Қиличев ва Раҳматжон Рўзиохунов жой олишди. Комилжон Расулов жамоа шифокори.