03 апр 09:15
Янгиликлар
Теннис
Майами (ATР): Федерер бу сафар ҳам финалда Надални мағлуб этди
АҚШнинг Майами шаҳри мезбонлик қилган “Мастерс” сериясига кирувчи нуфузли теннис турнири ўз якунига етди.
Соврин жамғармасин 7 миллион АҚШ долларини ташкил қилувчи мазкур мусобақанинг эркаклар ўртасидаги баҳсларида ғолиб номи маълум бўлди. Унда Рожер Федерер бош мукофот соҳибига айланди.
Швейцариялик теннис юлдузи ҳал қилувчи финал учрашувида испаниялик Рафаэль Надалга қарши кортга чиқди. Бир соату 35 дақиқа давом этган баҳсда Федерер 6:3, 6:4 ҳисобида зафар қучди.
Майамидаги муваффақиятли иштирок Рожерга 1,175,505 АҚШ доллари миқдоридаги мукофот жамғармаси ҳамда 1000 рейтинг очкосини тақдим этди. Бу Федерернинг фаолиятидаги 91-титули бўлди.
Финал:
Рожер Федерер (Швейцария, 4) – Рафаэль Надаль (Испания, 5) – 6:3, 6:4
Ҳавола :
Фикрлар