11 июл 16:11
Янгиликлар

Бокс/ММА

Руслан Чагаев ҳозир қаерда?

Профессионал бокснинг супероғир вазн тоифасида WBA (Regular) йўналиши чемпионлик камарини қайтариб олган ҳамюртимиз Руслан Чагаев айни пайтда нима билан банд?

Маълумки, Чагаев шу йилнинг 5 март куни Грозний шаҳрида ўзига тегишли бўлган чемпионлик камарини австралиялик Лукас Браунга бой бериб қўйганди. Лекин Брауннинг қон таркибида тақиқланган модда аниқлангани боис, жанг ўтказилмаган, деб топилиб, чемпионлик унвони яна боксчимизга қайтарилганди.

Бизга хабар беришларича, Руслан Чагаев айни пайтда АҚШнинг Майами шаҳрида оиласи билан бирга бўлиб турибди. У ёзнинг ҳарорартли кунларида хордиқ чиқаряпти.

Режага кўра, у чемпионлик камарига расмий даъвогар Фрес Окендога қарши рингга кўтарилиши керак. Бу боксчини у 2014 йили айнан Грознийда бўлиб ўтган жангда мағлубиятга учратган ва ҳозирги чемпионлик камарини қўлга киритганди.