Ўзбекистон Олимпиада ўйинларида: 2000 йил

Шу муносабат билан ватанимиз спортчиларининг бугунги кунгача бўлиб ўтган Олимпиада ўйинларидаги иштироклари ҳақида қисқача маълумот бериб ўтамиз.

Бундан бир неча кун олдин юртдошларимизнинг 1996 йилги Атланта Олимпиадасидаги иштироклари ҳақида маълумотлар тақдим этгандик. Бугун Сидней-2000 ўйинлари ҳақида гаплашамиз.

2000 йилги ёзги Олимпиада ўйинлари 15 сентябрь - 1 октябрь кунлари Австралиянинг Сидней шаҳрида бўлиб ўтган.

Ушбу мусобақада 70 нафар спортчи юртимиз шарафини ҳимоя қилган. Шулардан, 52 нафари эркак, 18 нафари аёл спортчиларимиз 12 та мусобақада ўз омадларини синаб кўрганлар.

Ҳамюртларимиз иштирок этган спорт турлари:

Енгил атлетика
Бокс
Байдарка ва каноеда эшкак эшиш
Қиличбозлик
Бадиий гимнастика
Дзюдо
Ўқ отиш
Сузиш
Теннис
Трамполин
Оғир атлетика
Кураш

Олимпиада очилишида боксчимиз Муҳаммадқодир Абдуллаев Ўзбекистон байроқдори бўлган.

2000-йилги Олимпиадада спортчиларимиз 4 та медални қўлга киритганлар.

Булар:

Муҳаммадқодир Абдуллаев - олтин (бокс)
Артур Таймазов - кумуш (кураш)
Сергей Михайлов - бронза (бокс)
Рустам Саидов - бронза (бокс)

Ушбу Олимпиадада шунингдек Гўзал Ҳуббиева, Оксана Чусовитина, Ўткирбек Ҳайдаров, Руслан Чагаев, Екатирина Хилько, Камол Муродов, Абдулло Тангриев, Ирода Тўлаганова  каби спортчиларимиз ҳам иштирок этганлар.

Ўша йили спортчиларимиз орасида энг ёш спортчи - сузувчи Мария Бугакова (15 ёш, 73 кун) бўлган.

Ёши энг катта спортчимиз эса Махарбек Харадцев (34 ёш, 363 кун) бўлган. У эркин кураш мусобақаларида юртимиз шарафини ҳимоя қилганди.

Азиз Тўхтамуродов тайёрлади