Аббос Раҳмонов Германия Гран-присида бронзага илинди

Бу ҳақда Ўзбекистон спорт курашлари ассоцацияси матбуот хизмати хабар бермоқда. Терма жамоамизга иккинчи медални 61 кг вазн тоифасида гиламга чиққан Аббос Раҳмонов тақдим этди.

Олтин медал икки карра жаҳон чемпиони озарбойжонлик Хаджи Алиевга насиб этган бўлса, польшалик Кристофа Биенковски кумуш медал билан тақдирланди. Яна бир бронза медалини туркиялик Мехмет Эмин Огют қўлга киритди.

Таъкидлаш жоиз, терма жамоа мураббийлар штаби Аббосни янги вазн тоифасида синаб кўрди. Республика олимпия захиралари коллежи тарбияланувчиси бўлган Раҳмонов аслида 57 кг вазнда Рио Олимпиадаси йўлланмасини қўлга киритган эди. Яна бир Олимпия ўйинлари иштирокчиси Бекзод Абдураҳмонов (74 кг) ҳам Германия Гран-присида бронза медали совриндори бўлган эди.

61 кг

1. Хаджи Алиев (Озарбойжон)

2. Кристофа Биенковски (Польша)

3. АББОС РАҲМОНОВ (ЎЗБЕКИСТОН)

3. Мехмет Эмин Огют (Туркия)