23 мар 09:15
Янгиликлар

Бокс/ММА

Абдуқаҳҳоров Сингапурда, чемпионлик жангига 2 кун қолди

Профессионал боксда фаолиятини муваффақиятли давом эттираётган ҳамюртимиз Қудратилло Абдуқаҳҳоров 25 март куни навбатдаги жангида рингга кўтарилади.

Фаолиятини 2015 йилда бошлаган 23 ёшли ҳамюртимизнинг навбатдаги рақиби зимбабвелик боксчи бўлади. Абдуқаҳҳоров 12 раунддан иборат жангда Чарлез Манюичига қарши рингга чиқади.

Мазкур чемпионлик жанги Сингапурда бўлиб ўтади. Боксчилар WBC Silver чемпионлик камари учун жанг ўтказишади. Эртага боксчиларни тарозидан ўтказиш маросими ташкил этилади.

Маълумот учун, Қудратилло фаолияти давомида 10 та жанг ўтказган ва уларнинг барчасида ғалаба қозонган. Еттита жангини нокаут билан якунланган. Унинг рақиби Манюичи эса 23 та жанг ўтказган ва улардан 20 тасида зафар қучган. Ҳисобида 2 та мағлубият ва 1 та дуранг бор.