Абдураимова Вухандаги иштирокини ғалаба билан бошлади

Мусобақанинг мукофот жамғармаси 50 минг АҚШ долларини ташкил этади. Ҳамюртимиз ҳозиргина якунига етган илк давра учрашувида хитойлик Зиюэ Санни мағлуб этди. Бир соату 3 дақиқа давом этган баҳсда Нигина рақибасидан 6:2, 6:4 ҳисобида устун келди.

Абдураимованинг иккинчи даврадаги рақибаси ҳам хитойлик теннисчи Ксинюн Хан бўлади. Турнирда тўртинчи  рақам остида таснифланган Хан бугун илк босқичда ҳамюрти Шаншан Гуони 6:0, 7:5 ҳисобида енгди.