06 июл 18:25
Янгиликлар
Теннис
Абдураимова Юксидаги турнирда чорак финалга чиқди
Мамлакатимизнинг биринчи рақамли теннисчиси Нигина Абдураимова Хитойнинг Юкси шаҳрида давом этаётган турнирнинг яккалик баҳсларида чорак финалга йўлланма олди.
Мусобақанинг мукофот жамғармаси 25 минг АҚШ долларини ташкил қилади. Ҳамюртимиз ушбу турнирнинг иккинчи рақамли теннисчиси сифатида қайд этилган. Роппа-роса бир соат давом этган иккинчи давра учрашувида Нигина хитойлик рақибаси Тингтинг Пейни 6:2, 6:0 ҳисобида мағлуб этди.
Абдураимова биринчи босқичда яна бир Чин юрти вакиласи Йиксуан Лидан 6:3, 7:6(8) ҳисобида устун келган эди.
Эътиборлиси, ҳамюртимизнинг учинчи рақиби ҳам хитойлик теннисчи бўлади. Нигина эртага ўтказиладиган чорак финал баҳсида Жанлан Вейга қарши кортга чиқади.
Ҳавола :
Манба : olamsport.com
Фикрлар