UZ

Сўнгги янгиликлар

14:35Свитолина ўз ғалабаси билан Уильямсга ёрдам берди0 14:22Жейми Варди: «Раньерининг кетишида мен айбдор эмасман»0 13:56Сабина Шарипова Малайзиядаги WTA турнирининг асосий тўрига чиқди0 13:20Макгрегорнинг кейинги жангдаги рақиби ким бўлиши деярли маълум0 12:55Анчелотти фаолиятида учинчи бор 8 тўп фарқи билан ғалабага эришди0 12:25Уорд - Ковалев. Реванш жанги ўтказилади, сана ва манзил маълум 0 11:55Жозе Моуриньо: “Ибрагимович 40 ёшигача футбол ўйнаши мумкин”0 11:41Уайлдер нокаут эвазига бешинчи бор камарини ҳимоя қилди0 11:20«Лестер» Хиддинк билан музокара ўтказди0 11:0541 ёшли Чусовитина мавсумни ғалаба билан бошлади, битта турнирда 4та медал 0 10:50“Fujairah Open” турнирининг сўнгги куни биттадан кумуш ва бронза0 10:25Испания. «Эйбар» «Малага»ни йирик ҳисобда мағлуб этди0 10:00Бугун Шарипова ҳал қилувчи учрашувда кортга чиқади0 09:35Италия.«Ювентус» «Эмполи»ни мағлуб этди0 09:22Қиличбозлик. Осиё чемпионатининг 3-куни учун режалар0

23 окт 15:19
Янгиликлар

Адҳамжон Эргашев – ўсмирлар ўртасида жаҳон чемпиони!

Ёш ва шу билан бирга анчагина таниқли оғир атлетикачимиз Адҳамжон Эргашев ўсмирлар ўртасида жаҳон чемпионлигини қўлга киритди.

Малайзиянинг Пенанг шаҳрида бўлиб ўтаётган ўсмирлар ўртасидаги жаҳон чемпионатига федерация раиси ўринбосари Шаҳрилло Маҳмудов биргина спортчини олиб кетди. (У кишининг ўзи чемпионат олдидан ўтказилган Халқаро Осиё оғир атлетика федерацияси ижроия қўмитаси йиғилиши ва Конгрессида қатнашди. Ёшлар ва ўсмирлар терма жамоамизнинг тўлиқ таркиби эса бошқа бир масъулиятли мусобақа – ноябрь ойида Японияда ташкил этиладиган қитъа чемпионатига ҳозирлик кўряпти.)

Муҳими шуки, ишонч билдирилган спортчимиз ўзини юксак даражада оқлади. Наманган вилояти Янгиқўрғон туманида туғилиб ўсган Адҳамжон Эргашев II ўсмирлар Олимпия ўйинлари ва ёшлар (ўзидан 2-3 ёш катталар) ўртасидаги жаҳон чемпионати совриндори хисобланади.

Энди ўз ёш тоифасида жаҳон чемпиони ҳам. Адҳамжон даст кўтаришдаёқ олтин медални қўлга киритиб, ғолибликка асосий даъвогар эканлигини билдириб қўйди. Учинчи уринишда зарур бўлган 125 кг оғирликдаги тошни кўтариб, асосий рақиби – Россия вакили Зулфат Гараевдан 1 кг ўзиб кетди.

Колумбиялик спортчини 4 кг, Чин юрти полвонини эса 5 кг ортда қолдириб кетди. Бу – чемпионлик учун қўйилган дадил қадам эди. Зеро Гараев силтаб кўтаришда ҳамюртимизга қарши туриб бера олмади, 6 кг кам натижа қайд этди. Кореялик Ви Шиннинг бу йўлдаги ҳаракатлари ҳам зое кетди – у 150 кгда тўхтади.

Тан олиш керак, Хитой вакили иккинчи машқ бўйича 156 кг кўрсаткич билан биринчи ўринга чиқди, лекин бу умумий ҳисоб учун етарли эмас эди. Эргашев 155 кг тошни ўзига бўйсундириб, иккикурашда 280 кг жамғарди. Унинг энг яқин таъқибчиси Юнбан Вэй 276 кг тўплади. Ишончли ғалаба! Дарвоқе, кучли гуруҳда ўзбек спортчиси юқорида тилга олиб ўтилган давлатлардан ташқари Колумбия, Туркия, Озарбойжон, Қозоғистон, Индонезия каби оғир атлетика кучли ривожланган мамлакатлар атлетларини ҳам ортда қолдирди.

 

62 кг вазн тоифасида кучли бешлик таркиби қуйидагича кўриниш олди:

1.  Адҳамжон Эргашев (Ўзбекистон) – 125+155=280

2.  Юнбан Вэй (Хитой) – 120+156=276

3.  Зулфат Гараев (Россия) – 124+149=273


Ғайрат Хонназаров тайёрлади

Рейтинг: +1   

Ўхшаш янгиликлар

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг