Афсонавий боксчи Руфат Рисқиев комага тушиб қолди

Маълумотларга кўра, боксчи кома ҳолатида. Бу ҳақда ижтимоий тармоқлардаги саҳифасида журналист Дилшода Матчонова хабар қолдирди.

“Руфат Асадович комада… Унга саломатлик тилайлик”, дейилади унинг хабарида.

Шу йилнинг сентябр ойи охирларида Тошкент шаҳридаги 16-шифохонада шифокорлар веналар тромбозининг оғирлашиши сабабли Руфат Рисқиевнинг ўнг оёғини тиззадан пастини кесиб ташлаш учун жарроҳлик амалиётини ўтказишганди.

2 октябр куни 67 ёшни қаршилаган Руфат Рисқиев 1974 йилда Гаванада жаҳон чемпиони бўлишга эришган.

Руфат Рисқиев – Жаҳон чемпиони ва Олимпия ўйинларининг кумуш медали совриндори. АҚШ, Куба, Австрия, собиқ Югославия, Испанияда ўтказилган халқаро турнирлар ғолиби.

Марказий Осиёдаги илк халқаро тоифадаги профессионал бокс ҳаками. “Буюк хизматлари учун”, “Эл-юрт ҳурмати” орденлари соҳиби.