28 янв 17:50
Янгиликлар

Теннис

Аманмурадова асосий тўрда, Нигина Абдураимова ўйинни охиригача етказа олмади

Таиланднинг Нонтабури шаҳрида теннис бўйича аёллар ўртасида мукофот жамғармаси 25 000 АҚШ долларини ташкил этувчи мусобақа давом этмоқда.

Аввалроқ, ўзбекистонлик теннисчилар Нигина Абдураимова ва Акгуль Аманмурадова ушбу турнирнинг саралаш баҳсларида иштирок этаётганлиги ҳақида хабар қилгандик.

Бугун теннисчиларимиз саралашнинг ҳал қилувчи босқичида кортга чиқишди.

Акгуль Аманмурадова япониялик Рина Саигога қарши ўйин ўтказди. 1 соат 48 дақиқа давом этган ўйинда ҳамюримиз 6:7, 6:1, 10:4 ҳисобларида ғалаба қозонди ва асосий босқичга йўл олди.

Нигина Абдураимова эса асосий даврага чиқиш учун Папуя Янги Гвинея вакили Абигаил Тере-Аписахга қарши баҳс юритиб, афсуски учрашувни охиригача етказа олмади. Ўйиннинг 22-дақиқасига келиб Нигина 1:3 ҳисобида мағлуб бўлаётганди ва ўйинни давом эттира олмаслигини маълум қилди.