31 май 15:51
Янгиликлар
Теннис
Андижон “Фьючерс”. Цой рейтингда ўзидан 1000 поғона юқоридаги теннисчини мағлуб этди
Андижон шаҳри мезбонлик қилаётган “Фьючерс” туркумига кирувчи турнирнинг асосий тўр баҳслари ўзининг ҳал қилувчи палласига кириб боряпти.
Турнирнинг биринчи ракеткаси бўлган ҳамюртимиз Санжар Файзиевдан сўнг яна икки ҳамюртимиз - Темур Исмоилов ва Павел Цой чорак финал йўлланмасини қўлга киритди.
Мусобақада бешинчи рақам остида ҳаракат қилаётган Исмоилов 63 дақиқа давом этган учрашувда россиялик Роман Блохинни 6:4, 6:1 ҳисобида енгди. Турнирда имтиёзли равишда қатнашаётган Павел Цой эса мусобақанинг 7-ракеткаси, рейтингда ўзидан 1000 поғона юқорида турган россиялик Маркос Каловелонисдан 6:4, 7:5 ҳисобида устун келди.
Ўзбекистонлик яна бир теннисчи Шониғмат Шофайзиев эса турнирнинг учинчи рақамли иштирокчиси украиналик Владислав Манафовга 4:6, 0:6 ҳисобида ютқазиб қўйди.
Ҳавола :
Манба : olamsport.com
Фикрлар